Óvenjulegur meðafli

Loka

Ólafur Bernódusson

Óvenjulegur meðafli

Kaupa Í körfu

Skagaströnd | Það verður að teljast óvenjulegur meðafli sem Arnar HU 1 kom með úr síðustu veiðiferð. Í trollið hafði komið risastór síld, rúmlega 50 sm löng. Hér er ekki um venjulega síld að ræða heldur síld af tegundinni maísíld (Alosa alosa) eða augnasíld (Alosa fallax) en báðar tegundirnar eru mjög sjaldséðar á Íslandsmiðum. Ekki er nema á færi sérfræðinga að þekkja þessar tegundir sundur, svo líkar eru þær. Þær eru merkilegar fyrir þá sök að þær hrygna í ósöltu vatni og ganga þá gjarnan upp í ármynni í Evrópu til þess. Báðar tegundirnar eru á válista vegna útrýmingarhættu. Augnsíldin hefur stærra útbreiðslusvæði en maísíldin og mun sú fyrrnefnda berast hingað upp að Austur- og Suðausturlandi einstaka sinnum. Arnar var einmitt að veiðum á Austfjarðamiðum þegar þessi fallegi fiskur kom upp í einu halinu. Annar evrópskur gestur Annar evrópskur gestur kom líka um borð í túrnum. Sá kom fljúgandi sjálfur og settist á skipið. Var hann fangaður en lifði ekki nema nokkra klukkutíma þrátt fyrir að skipverjar gerðu allt sem þeir gátu til að halda lífi í honum. Þetta var glókollur sem er minnsta fuglategund Evrópu.

Frekari upplýsingar