Félagsmálaráðherra fundar með bæjarstjórum

Loka

Golli / Kjartan Þorbjörnsson
Fleiri myndir eftir ljósmyndara »

Félagsmálaráðherra fundar með bæjarstjórum

Kaupa Í körfu

SKIPAÐUR verður starfshópur fulltrúa félagsmála- og utanríkisráðuneytis, sveitarfélaga og ýmissa stofnana, sem mun fara yfir búsetu fólks í atvinnuhúsnæði og gera tillögur til úrbóta. Til greina kemur meðal annars að gera breytingar á ákvæðum laga og/eða reglugerða á þessu sviði til að stoppa upp í göt sem menn eru sammála um að séu á núgildandi tilhögun þessara mála, samkvæmt upplýsingum Magnúsar Stefánssonar félagsmálaráðherra. Þetta er niðurstaða fundar sem haldinn var í félagsmálaráðuneytinu seinnipartinn í gær, en til fundarins var boðað að frumkvæði félagsmálaráðherra, en auk hans sátu fundinn fulltrúar sveitarfélaganna á höfuðborgarsvæðinu, formaður félagsmálanefndar Alþingis og embættismenn úr umhverfisráðuneytinu og félagsmálaráðuneytinu. MYNDATEXTI: Búseta - Frá fundinum í félagsmálaráðuneytinu í gær þar sem farið var yfir búsetu fólks í atvinnuhúsnæði og möguleg úrræði til úrbóta.

Frekari upplýsingar