Kveikt á jólatrénu við Austurvöll

Loka

Þorvaldur Örn Kristmundsson

Kveikt á jólatrénu við Austurvöll

Kaupa Í körfu

VÍÐA var kveikt á jólatrjám á opinberum stöðum nú um helgina. Í gær var einnig Alþjóðadagur fatlaðra. Ljósin á Óslóartrénu á Austurvelli voru tendruð klukkan 16.00 í gær að viðstöddu fjölmenni. Rúm hálf öld er nú liðin frá því að Norðmenn færðu Íslendingum fyrst grenitré að gjöf til að skreyta Reykjavík. Tréð sem prýðir Austurvöll var höggvið í Finnerud í Sørkedalen fyrir utan Ósló og er rúmlega 12 metra hátt. Dagskráin á Austurvelli hófst með leik Lúðrasveitar Reykjavíkur og svo söng Dómkórinn. Þá færði Guttorm Vik, sendiherra Noregs, Vilhjálmi Þ. Vilhjálmssyni borgarstjóra og öðrum Reykvíkingum tréð að gjöf. MYNDATEXTI: Skraut - Kertasníkir, órói úr burstuðu stáli, skreytir tréð auk ljósanna. Kertasníkir verður seldur til styrktar Æfingastöð Styrktarfélags lamaðra og fatlaðra.

Frekari upplýsingar