Sprotaþing 2007 í Laugardalshöll

Kaupa Í körfu

Sprotaþing 2007, sem haldið var 2. febrúar síðastliðinn, var bæði fjölmennt og vel heppnað. Niðurstöður þingsins eru enn á formi tillagna, þótt margt jákvætt hafi í raun gerst síðan Sprotaþing 2006 var haldið í fyrra. Margir eru þeirrar skoðunar að koma þurfi á nýju endurgreiðslukerfi í tengslum við skattkerfið til tæknifyrirtækja sem stunda rannsókna- og þróunarstarfsemi. Samtök sprotafyrirtækja hafa sett sér háleit markmið, að "frá og með árinu 2010 bætist árlega að jafnaði tvö ný fyrirtæki í þann hóp sem veltir yfir einum milljarði á ári og skila sér inn á hlutabréfamarkað". Víst er um það að Sprotaþing 2007 var mikilvægur áfangi í þeirri sókn sem hafin er til að slíku markmiði verði náð. Á myndinni hér til hliðar má meðal annarra sjá þá Steingrím Sigfússon, Vinstri grænum, Jón Sigurðsson iðnaðarráðherra og Jón Ágúst Þorsteinsson, formann Samtaka sprotafyrirtækja, hlýða með athygli á ræður sem haldnar voru um framtíð og aðstöðu sprotafyrirtækja á Íslandi, en margir þingmenn tóku þátt í Sprotaþingi 2007

Frekari upplýsingar

• SkráMBL0142986.jpg
• Breidd3400 dílar
• LjósmyndariGolli / Kjartan Þorbjörnsson
• Hæð2032 dílar
• MerkingMorgunblaðið/Golli
• DagsetningFöstudagur, 2. febrúar 2007
• Fyrsta birtingFöstudagur, 9. febrúar 2007
• Slóð/myndasafn/mynd/173704/