Nýja hótelið á Búðum

Kaupa Í körfu

Búið er að reisa fyrstu veggeiningar nýja hótelsins á Búðum. Að sögn Þórðar Kristleifssonar, fyrrverandi hótelstjóra á Búðum, sem hefur yfirumsjón með framkvæmdum á staðnum, hefur verkið gengið vel hingað til. Nokkuð djúpt var niður á fast, en Hervin Vigfússon, byggingarmeistari hússins úr Ólafsvík, tók grunninn og sér um sökkla og plötur. Húsið er reist úr steyptum einingum frá Þorgeiri og Helga á Akranesi en Sigurjón Skúlason, verktaki frá Akranesi, sér um uppsetningu þeirra. Þórður segir að stefnt sé að ákveðnum verkstigslokum fyrir jól og á þá að vera búið að loka húsinu með gluggum og þaki. Eftir jól á síðan að hefjast handa við vinnu innandyra og opna svo með vorinu, en hótelbyggingin er 950 fm og verður stærsta bygging í Staðarsveit, þar sem ekki hefur verið mikið um nýbyggingar undanfarin ár. MYNDATEXTI: Fyrstu veggeiningar nýja hótelsins á Búðum eru komnar upp. Fyrstu veggeiningar nýja hótelsins á Búðum eru komnar upp.

Frekari upplýsingar

• SkráMBL0063200.jpg
• Breidd2048 dílar
• LjósmyndariGuðrún G. Bergmann
• Hæð1365 dílar
• MerkingMorgunblaðið/Guðrún Bergmann
• Dagsetning
• Fyrsta birtingÞriðjudagur, 16. október 2001
• Slóð/myndasafn/mynd/1774/