Álverið á Reyðarfirði

Kaupa Í körfu

Almenn ánægja ríkir á Reyðarfirði með nýtt álver og mikil uppbygging á sér stað í bænum. Það er hugur í íbúunum, sem gefa lítið fyrir nýafstaðna atkvæðagreiðslu í Hafnarfirði; þeir eru komnir með sitt álver. Gestir geta ekki komist inn á svæði Fjarðaáls nema með sérstöku leyfi. Í varðhliði er tekið á móti þeim og þeim gert að klæða sig í skó með stáltá, skrýðast endurskinsvesti, setja upp öryggisgleraugu og skýrt er tekið fram að derið þurfi að snúa fram á hjálminum. Svo verða þeir að horfa á stutt myndband, þar sem hamrað er á nauðsyn þess að fara varlega á þessu risastóra iðnaðarsvæði. MYNDATEXTI: Byrjunin - Álframleiðsla í kerskálunum er að hefjast og er stefnt að því að ná fullum afköstum í október, 346 þúsund tonnum, með 575 megavöttum frá Kárahnjúkum. Á sama tíma og framleitt verður í öðrum enda kerskálans er enn unnið að byggingarframkvæmdum í hinum.

Frekari upplýsingar

• SkráMBL0147233.jpg
• Breidd3504 dílar
• LjósmyndariÞorvaldur Örn Kristmundsson
• Hæð2336 dílar
• MerkingMorgunblaðið/ÞÖK
• DagsetningMiðvikudagur, 4. apríl 2007
• Fyrsta birtingSunnudagur, 15. apríl 2007
• Slóð/myndasafn/mynd/177913/