Landsmót á skíðum 2007

Loka

Morgunblaðið/Skapti Hallgrímsson

Landsmót á skíðum 2007

Kaupa Í körfu

SÆVAR Birgisson frá Sauðárkróki sigraði af miklu öryggi í 10 km göngunni á Landsmótinu á skíðum í Hlíðarfjalli á laugardaginn. Gengið var með hefðbundinni aðferð. Sævar gekk vegalendinga á 32,26 mín. og kom í mark tæpum tveimur mínútum á undan Sigurgeiri Svavarssyni, Akureyri, sem varð annar. "Þetta bætti fyrir síðustu tvo daga; nú gekk allt upp, veðrið var frábært og ég get ekki kvartað. Ég var léttur á mér í dag," sagði Sævar við Morgunblaðið. Þar með sigraði hann einnig í tvíkeppninni. MYNDATEXTI Sævar Birgisson Andri Steindórsson, Akureyri, varð þriðji, formaður Skíðasambandsins Daníel Jakobsson, Ólafsfirði, varð fjórði og fimmti varð gamla kempan Magnús Eiríksson, Siglufirði. Keppendur fóru allir af stað í einu á laugardaginn sem Sævar var ánægður með. Ég vona að þetta verði svona í framtíðinni; þetta er miklu skemmtilegra, ekki síst fyrir áhorfendur."

Frekari upplýsingar