Ný þota afhent á Reykjavíkurflugvelli

Loka

Ný þota afhent á Reykjavíkurflugvelli

Kaupa Í körfu

FYRSTA Boeing 737-800 farþegaþota flugfélagsins Primera Air lenti á Reykjavíkurflugvelli gær en þetta er fyrsta þotan af fimm sem félagið fær afhentar. Vélin er þriggja ára gömul en tvær nýjar vélar eru væntanlegar í maí, að því er segir í fréttatilkynningu frá félaginu. Alls á félagið von á fimm slíkum vélum. Vélin stoppaði stutt á Reykjavíkurflugvelli og fór þaðan til Keflavíkur. Í dag fer hún í jómfrúarferð með 189 farþega Heimsferða til Rómar. Vélar Primera Air munu fyrst og fremst fljúga fyrir ferðaskrifstofur Primera Group en þær eru alls sjö talsins á öllum Norðurlöndunum. Á þessu ári er gert ráð fyrir að félagið flytji um 650 þúsund farþega og er áætluð velta félagsins ríflega 44 milljarðar íslenskra króna. Forstjóri félagsins og eigandi er Andri Már Ingólfsson. Flugfélagið JetX sér um allan flugrekstur fyrir Primera Air.

Frekari upplýsingar