Petra Hedorfer

Loka

Þorvaldur Örn Kristmundsson

Petra Hedorfer

Kaupa Í körfu

GRÍÐARLEG aukning hefur orðið í ferðalögum Íslendinga til Þýskalands og er landið nú komið upp í þriðja sæti yfir þau lönd sem Íslendingar ferðast helst til á eftir Spáni og Bretlandi. Árið 2005 ferðuðust 31 þúsund Íslendingar til Þýskalands en í fyrra voru þeir 46 þúsund og fjölgaði þannig um 48% á milli ára. Alls gistu Íslendingar um 300 þúsund nætur í Þýskalandi í fyrra eða sem svarar til einnar nætur á hvern Íslending. Sprenging í ferðum Petra Hedorfer, forstjóri Ferðamálaráðs Þýskalands, er að vonum afar ánægð með þessa þróun; tekur raunar fram að nánast hafi verið um sprengingu að ræða, kannski að hluta til vegna Heimsmeistarakeppninnar í fótbolta, og ekki sé hægt að búast við svo mikilli fjölgun til lengri tíma litið. En jafnvel þótt HM í knattspyrnu væri ekki tekin með, sé þó ljóst að Íslendingar leggi mun oftar leið sín til Þýskalands en áður var. MYNDATEXTI Hún Petra Hedorfer er yfir ferðamálaráði Þjóðverja.

Frekari upplýsingar