Mesta tjónið

Loka

Skapti Hallgrímsson

Mesta tjónið

Kaupa Í körfu

PÁLL Gíslason, íþróttakennari og knattspyrnuþjálfari, brosti í gærkvöldi eftir að strákarnir hans í 3. flokki Þórs sigruðu Tindastól frá Sauðárkróki, 3:1, í úrslitaleik bikarkeppni KSÍ á Norður- og Austurlandi. Leikurinn fór fram á Akureyri í töluverðum vindi, og lengstum rigndi eins og hellt væri úr fötu. Páli var sama um rigninguna en dagurinn var þó ögn vætusamari en hann kærði sig um. Fyrr um daginn sprakk heitavatnsrör á heimili hans og ljóst er að allt parket, hurðir og fleira í íbúðinni er ónýtt og að tjónið hleypur á milljónum. Í gærmorgun urðu vatnsskemmdir á fleiri íbúðum í Glerárhverfi af sömu ástæðu. "Ég er eiginlega búinn að fá alveg nóg af vatni í bili. Það er eins gott að ég á ekki að kenna sund í fyrramálið..." sagði Páll í samtali við Morgunblaðið í gærkvöldi MYNDATEXTI Allt af Tryggvi Jóhannsson vann í gærkvöldi við að taka allt parket af gólfum hjá Páli og Jórunni.

Frekari upplýsingar