Gísli Hvanndal

Loka

Kristinn Ingvarsson
Fleiri myndir eftir ljósmyndara »

Gísli Hvanndal

Kaupa Í körfu

BÓKAFORLÖG landsins hafa tekið til við útgáfu biblía af miklum móð eftir nokkurt hlé. Drenghnokki að nafni Gilzenegger skrifaði fyrir skemmstu Biblíu fallega fólksins, ný þýðing hinnar upprunalegu Biblíu kom út á dögunum og á næstunni mun bókin Biblía gáfaða fólksins koma út á vegum Nýhil. Gils N. Eggerz tók hina gráglettnu bók saman og segir hana vera skrifaða af brýnni nauðsyn. "Það hefur engin bók verið fáanleg um heilastarfsemi hins gáfaða hluta mannkyns," segir hann. Gáfumennska er samkvæmt biblíunni tvenns konar, annars vegar ásköpuð og hins vegar áunnin. Gils segir engan vafa leika á því að ásköpuð gáfumennska sé æskilegri – þótt enn vanti ítarlegri rannsóknir á aðgreiningu þessara tveggja sprota gáfumennskunnar – en hann gruni þó að hans eigin gáfumennska sé áunnin. Þetta hefur valdið Gils þónokkru hugarangri og biturð þótt hann beri sig að öðru leyti vel. Gils þessi er vel að merkja höfundarsjálf það sem Gísli Hvanndal notar sem sögumann bókarinnar

Frekari upplýsingar