Auður Ólafsdóttir

Loka

Einar Falur Ingólfson

Auður Ólafsdóttir

Kaupa Í körfu

FYRIR mér er karlmennska annars ofboðslega langt frá því að spóla um á stórum dekkjum. Þá er eitthvað að í þroska viðkomandi einstaklings. Í öllum mínum bókum má sjá þá hugmynd að enginn dagur sé venjulegur, engin manneskja venjuleg og að þversagnir geri okkur mannleg. Þess vegna er bókin full af dálítið ólíkindalegum mannlegum samskiptum. Það er ekki allt rökrænt í sálarlífi mannsins. Svo mælist Auði A. Ólafsdóttur listfræðingi og rithöfundi í viðtali við Einar Fal Ingólfsson í Lesbók í dag, en umræðuefnið er þriðja skáldsaga Auðar, Afleggjarinn. Sagan segir frá 22 ára manni sem heldur út í heim með þrjá rósaafleggjara, og tekur stefnuna á fornan rósagarð í óræðu þorpi sunnar í álfunni. Auður segir Einari Fali frá frelsinu sem felst í því að dikta upp nýjan heim, frá sögunni sjálfri og ekki síst þeirri trúarlegu táknfræði sem hún leikur sér með í sögunni, þar á meðal táknmáli rósarinnar.

Frekari upplýsingar