Aurskriða í Eyjafjarðarsveit

Loka

Morgunblaðið/Skapti Hallgrímsson

Aurskriða í Eyjafjarðarsveit

Kaupa Í körfu

ÞAKKLÆTI, segja hjónin í Grænuhlíð í Eyjafjarðarsveit nánast samhljóða, þegar spurt er hvað þeim sé efst í huga, en í gær var eitt ár liðið síðan stór aurskriða féll úr fjallinu ofan bæjarins og eyðilagði tvö útihús auk þess sem íbúðarhúsið skemmdist töluvert. Hjónin Óskar Kristjánsson og Rósa María Tryggvadóttir voru heima ásamt yngsta syni sínum þegar fyrsta skriðan féll eldsnemma morguns 20. desember, en komust burt við illan leik. Skriðan gjöreyðilagði gamalt fjós og bragga. Fimmtán kálfar drápust en annar búpeningur slapp. Skemmdir urðu á íbúðarhúsinu, búseta var ekki leyfð þar um hríð og þau fengu inni annars staðar. Óskar, Rósa María og sonurinn Tryggvi fluttu ekki aftur heim fyrr en í maí. MYNDATEXTI 20. desember 2007 Óskar Kristjánsson, Rósa María Tryggvadóttir og Tryggvi, yngsti sonur þeirra, heima í Grænuhlíð í gær. Steinninn kom í ljós þegar leðju var mokað af túninu. Hann hafði komið niður fjallið í flóðinu

Frekari upplýsingar