Kassagerðin

Loka

Árni Sæberg
Fleiri myndir eftir ljósmyndara »

Kassagerðin

Kaupa Í körfu

LÖGREGLUNNI á höfuðborgarsvæðinu var tilkynnt um skothvelli og mann með riffil er fór inn í Kassagerðina við Köllunarklettsveg seint í gærkvöldi. Mikill viðbúnaður var vegna málsins. Sérsveit ríkislögreglustjóra var kölluð út og nærliggjandi götum lokað um tíma, s.s. Sæbraut og Kleppsvegi. Upp úr miðnætti varð hins vegar ljóst að um falska tilkynningu var að ræða. Þrír ungir karlmenn sem voru í porti við Kassagerðina voru þó handteknir. Aðalvarðstjóri sem Morgunblaðið ræddi við bjóst við að þeim yrði sleppt strax. Mennirnir voru ölvaðir. Hvað varðar skothvelli sagði varðstjórinn að rúða hefði verið brotin í anddyri Kassagerðarinnar, það gæti skýrt hávaðann. MYNDATEXTI Þrír ölvaðir ungir menn voru handteknir í aðgerðum lögreglu. Enginn þeirra var þó vopnaður

Frekari upplýsingar