Kalkúnarækt á Reykjum

Loka

Ómar Óskarsson
Fleiri myndir eftir ljósmyndara »

Kalkúnarækt á Reykjum

Kaupa Í körfu

R eykjakórinn er saman kominn í sínu fínasta pússi í fjósinu og um leið og Ómar Óskarsson ljósmyndari smellir af syngur hann einum rómi. Sjá dagar koma hljómar í eilítið pönkaðri útsetningu. Samhæfingin er algjör og einbeitingin eftir því. Kannski væri samt nær að tala um að kórinn galaði en syngi en stíll hans minnir um margt á finnska Öskurkórinn, sem sótti Ísland heim um árið. Eini munurinn er sá að í Reykjakórnum er hver barki fiðraður í bak og fyrir. Kalkúnahanarnir í gamla fjósinu á Reykjum í Mosfellsbæ eru kynlegar skepnur og afskaplega viðkvæmar. Það má helst ekki hósta í návist þeirra, hvað þá skella hurð, þá gætu þeir fengið hjartaáfall og hrokkið upp af. Ekki viljum við það. Ómar kórstjóri tiplar því á tánum í dyragættinni. Á dauða sínum hefur hann vísast átt von en ekki því að stjórna fjöldasöng kalkúna – með flassinu. Jón Magnús Jónsson, sem rekur Reykjabúið ásamt spúsu sinni, Kristínu Sverrisdóttur, hefur tekið sér stöðu innan um hanana og rekur þá varfærnislega áfram til að þjóna markmiðum myndavélarinnar. MYNDATEXTI Hani Karlfuglinn er í senn litríkur og viðkvæmur. Honum er illa við óvæntar uppákomur

Frekari upplýsingar