Sigrún Brá Sverrisdóttir

Loka

Brynjar Gauti

Sigrún Brá Sverrisdóttir

Kaupa Í körfu

SIGRÚN Brá Sverrisdóttir bætti sig um rétt tæpa hálfa sekúndu í 100 m skriðsundi á Evróumeistaramótinu í 25 m laug í Rijeka í Króatíu í gær. Hún synti á 55,58 sekúndum og hafnaði í 28. sæti af 52 keppendum og var um leið 29/100 úr sekúndum frá Íslandsmeti Ragnheiðar Ragnarsdóttur. Fyrir sundið var besti árangur Sigrúnar í 100 m skriðsundi 56,02 sekúndur. Til þess að komast í undanúrslit í 100 m skriðsundi þurfti að synda a.m.k. á 55 sekúndum sléttum. Hrafnhildur Lúthersdóttir hafnaði í 30. sæti af 39 keppendum í undanrásum í 50 m bringusundi á Evrópumeistaramótinu í gær. Hún var aðeins 15/100 úr sekúndu frá eigin Íslandsmeti, synti á 32,39 sekúndum. Íslandsmetið setti Hrafnhildur á Íslandsmeistaramótinu fyrir skömmu. Um leið er þetta annar besti árangur hennar í greininni. MYNDATEXTI Sigrún Brá Sverrisdóttir

Frekari upplýsingar