Haustmót FSÍ á Akranesi

Loka

Sigurður Elvar Þórólfsson

Haustmót FSÍ á Akranesi

Kaupa Í körfu

EITT stærsta mót ársins í hópfimleikum fór fram á Akranesi um helgina þar sem haustmót FSÍ fór fram. Um 700 keppendur tóku þátt í mótinu en það var Fimleikafélag Akraness sem hafði umsjón með framkvæmd þess. Í 3. flokki unglinga, þar sem keppt var eftir landsreglum, sigraði Grótta, Selfoss kom þar næst og Stjarnan endaði í þriðja sæti. Í 4. flokki unglinga, þar sem keppt var eftir landsreglum, sigraði Gerpla A eftir harða keppni við Stjörnuna. Selfoss varð í þriðja sæti. Í 5. flokki, þar sem keppt var eftir landsreglum, sigraði Stjarnan T3, Gerpla A varð í öðru sæti og FimAk frá Akureyri endaði í þriðja sæti. Í úrvalsdeild var keppt eftir TeamGym-reglum. Þar sigraði Selfoss í meistaraflokki, Keflavík kom þar næst og Rán úr Vestmannaeyjum varð í þriðja sæti. Gerpla sigraði í karlaflokki en það var eina sveitin sem sendi karlalið til keppni. Í 1. flokki sigraði Gerpla P2, Selfoss endaði í 2. sæti og Stjarna fékk bronsið. Í 2. flokki sigraði Stjarnan, Gerpla fékk silfur og Selfoss brons.

Frekari upplýsingar