Gæs liggur á í snjónum

Loka

Ómar Óskarsson
Fleiri myndir eftir ljósmyndara »

Gæs liggur á í snjónum

Kaupa Í körfu

Snjókoman í Reykjavík og næsta nágrenni um helgina gerði víða strik í reikninginn en Jóhann Óli Hilmarsson, formaður Fuglaverndar, óttast ekki um fuglana. „Ég held að þeir kippi sér ekki upp við þetta,“ segir hann. Grágæsin á hreiðrinu var alla vega hin rólegasta. Vetrarhret gera smáfuglum lífið gjarnan erfitt en Jóhann Óli vill ekki kalla veðrið um helgina hret – í mesta lagi hálfhret – og fuglarnir séu stilltir inn á svona veðurbreytingar. Fyrstu fuglarnir séu búnir að verpa og fuglarnir bregðist við svona veðri með því að liggja stíft á ungum eða eggjum og haldi þannig hita á þeim. Jóhann Óli rifjar upp að hretið sem kom norðanlands 2006 hafi fellt fugla í stórum stíl en það hafi líka verið langvarandi með stífri norðanátt. „En svona lítið skot held ég að hafi lítið að segja,“ segir hann. „Ég hef ekki áhyggjur.“

Frekari upplýsingar