Siglfirðingar fagna Sólardeginum

Kaupa Í körfu

Siglfirðingar fagna því í dag að sólin er farina að skína yfir Ráðhússtorg bæjarins að nýju. Þann 15. nóvember 2013 hvarf hún á bak við fjöllin í suðri, fyrst Blekkil og svo þau sem vestar eru, og hefur ekki sést í rúmar 10 vikur. Það er dálítið langur tími, finnst heimamönnum. Sólardagurinn var áður fyrr hafður 27. janúar, en þá baðaði sólin prestssetrið Hvanneyri geislum eftir langa fjarveru, en það var í raun og veru eina húsið á þeim slóðum í firðinum, en eftir að byggð fór að myndast þar fyrir ofan, hefur á einhverjum tímapunkti verið ákveðið að miða framvegis við Ráðhússtorg, og þá 28. janúar. Og svo er enn. Siglfirsk börn tóku forskot á sæluna í barnastarfi kirkjunnar á sunnudaginn var, fengu sér pönnukökur og vöfflur og útbjuggu þessar sólir sem á myndinni sjást, bersýnilega spennt yfir hinum merku tíðindum.

Frekari upplýsingar

• SkráMBL0252352.jpg
• Breidd3540 dílar
• LjósmyndariMorgunblaðið/Sigurður Ægisson
• Hæð2604 dílar
• MerkingMorgunblaðið/Sigurður Ægisson
• DagsetningÞriðjudagur, 28. janúar 2014
• Fyrsta birtingÞriðjudagur, 28. janúar 2014
• Slóð/myndasafn/mynd/291961/