Valhöll - Fundur um Háskólaspítala

Kaupa Í körfu

Mörgum spurningum enn ósvarað Á OPNUM fundi heilbrigðisnefndar Sjálfstæðisflokksins um íslenskan háskólaspítala, sem haldinn var í Valhöll í fyrradag, kom fram sú skoðun að skilgreina þyrfti betur hvað fælist í hugtakinu háskólasjúkrahús og hvaða markmiðum ætti að ná með slíku sjúkrahúsi. Frummælendur á fundinum voru þó sammála um að aukið samstarf Háskóla Íslands og nýs, sameinaðs sjúkrahúss væri af hinu góða og að mikilvægt væri að slíkt samstarf yrði til að efla rannsóknir, kennslu og þjónustu á heilbrigðissviði. Magnús Pétursson, forstjóri Ríkisspítala, fór í erindi sínu á fundinum yfir hlutverk stóru sjúkrahúsanna og sagði hann stjórnun þeirra markast af því að hér væri ekki um hefðbundið fyrirtæki að ræða. Sagði hann m.a. að skyldur, sem lagðar væru á Ríkisspítalana um þjónustu við sjúklinga, stönguðust oft á tíðum við kröfur sem gerðar væru til fjármálanna og reksturs þeirra. MYNDATEXTI: Frá fundi um háskólaspítala. Ásta Möller alþingismaður, sem var fundarstjóri, Einar Stefánsson, Steinn Jónsson og Björn Bjarnason.

Frekari upplýsingar

• SkráMBL0013628.jpg
• Breidd2048 dílar
• LjósmyndariKristinn Ingvarsson
• Hæð1130 dílar
• MerkingMorgunblaðið/Kristinn
• Dagsetning
• Fyrsta birtingFimmtudagur, 2. mars 2000
• Slóð/myndasafn/mynd/30881/