Náttúran

Loka

Þorkell Þorkelsson

Náttúran

Kaupa Í körfu

Myndafrásögn þar sem ljósmyndarar Morgunblaðsins segja sögur af Íslendingum. Samtímis birtast hliðstæðar sögur í átta af helstu dagblöðum Norðurlanda. Náið samneyti við harðlynda náttúru og á stundum háskalega hefur verið hlutskipti íslenskrar þjóðar um aldir. Oft er sagt að landið sé á mörkum hins byggilega heims - hjari veraldar. Ísland er leikvangur óblíðra náttúruafla og enn í sköpun. Myndatexti: Gullfoss er eitt helsta náttúrudjásn Íslands og ber nafn með rentu. Flestir kynnast undurfögrum fossinum að sumarlagi þegar fannhvít boðaföllin skera sig úr svörtu berginu og regnboginn leikur í úðanum við dynjandi undirleik vatnsfallsins. Gullfoss er ekki síður stórfenglegur að vetrarlagi þegar klakinn tekst á við fossandi vatnið og reynir að slá það böndum. Hrikaleg grýlukerti og magnaðar ísmyndir skreyta fossinn um stund en víkja ævinlega fyrir vorinu.

Frekari upplýsingar