Varpið gengið í Byrgisskeri við Reykjahlíð

Loka

Birkir Fanndal

Varpið gengið í Byrgisskeri við Reykjahlíð

Kaupa Í körfu

Mývatnssveit Þessa dagana ganga Mývetnskir bændur varplönd sín og fer þar allt fram eftir aldagömlum hefðum, á það við bæði um hverjir skuli ganga þetta árið og hvernig skipta skuli aflanum milli búa. Hér eru nokkrir Reykhlíðungar að vaða í land úr Byrgisskeri sem er skammt þar framundan gamla bænum. Þó hvesst hafi í Landeigendafélagi Reykjahlíðar að undanförnu vegna ágreinings um gjaldtöku, þá fara menn saman í varpið og sinna því í góðri samvinnu samkvæmt hefðinni. Hófsóleyjar setja sinn skemmtilega svip á landið um þessar mundir þær, eins og allur jarðargróður, njóta áburðarins sem rykmýið leggur til en það hefur blómstrað að undanförnu og er það til vitnis um að enn er töluvert lífríki í og við Mývatn. Tíðarfarið hefur verið einstaklega þægilegt að undanförn, gróðrartíð mikið sólfar og náttúran í miklum blóma. Mbl/BFH Birkir Fanndal Ganga varplöndin eftir aldagömlum hefðum

Frekari upplýsingar