Tveir orðuhafar

Loka

Ómar Óskarsson
Fleiri myndir eftir ljósmyndara »

Tveir orðuhafar

Kaupa Í körfu

Hallfríður Ólafsdóttir, flautuleikari og höfundur bókanna um músina Maxímús Músíkús, var sæmd riddarakrossi hinnar íslensku fálkaorðu við hátíðlega athöfn á Bessastöðum þann 17. júní síðastliðinn. Hún er þriðja konan í beinan kvenlegg til þess að bera orðuna. Móðir hennar, Stefanía María Pétursdóttir, hlaut hana 1993, fyrir félagsstörf en hún var lengi formaður Kvenfélagasambands Íslands. Móðuramma Hallfríðar, Þóra Jónsdóttir, hlaut orðuna fyrir störf í þágu félagsmála árið 1978. „Mamma kenndi börnum á Siglufirði margt og við fáum enn þakklæti fyrir hennar framlag,“ segir Stefanía. Hallfríður hlær þegar hún er spurð að því hvort hún hafi stefnt að því leynt og ljóst að fá riddarakrossinn. „Nei, nei, nei. En þeim mun skemmtilegra var að fá þessa ómetanlegu viðurkenningu fyrir mig og fræðsluverkefnið. Þetta var mjög eftirminnilegur 17. júní.“

Frekari upplýsingar