Sáttasemjari - kjaradeilur - SGS

Loka

Kristinn Ingvarsson
Fleiri myndir eftir ljósmyndara »

Sáttasemjari - kjaradeilur - SGS

Kaupa Í körfu

Björn Snæbjörnsson, formaður Starfsgreinasambandsins, segir ljóst að hækkun dagvinnulauna á móti lægra yfirvinnuálagi verði ekki samþykkt af hálfu SGS í þessum kjarasamningum. Því standi kröfugerð sambandsins um 300 þúsund króna lágmarkslaun óhögguð. „Okkur líst ekki á að setja þetta inn í þessa samninga. Það er frekar að hægt sé að skoða þetta á milli samninga og þetta eigi sér lengra ferli. Þetta verður ekki lausnin á þessum samningum,“ segir Björn. Hann segir að mönnum hugnist ekki að yfirvinnuálag lækki. „Þetta getur þýtt það að þeir sem vinna mikla yfirvinnu endi í mínus ef samið yrði á þessum nótum,“ segir Björn. SA setti fram hugmyndir sínar við VR og Flóabandalagið í gær. „Við fyrstu sýn kemur þetta ágætlega út en við þurfum lengri tíma til að geta metið það endanlega,“ sagði Ólafía B. Rafnsdóttir, formaður VR. Sigurður Bessason hjá Eflingu var ekki eins jákvæður. „Ég tel að við eigum enn töluvert langt eftir áður en við klárum kjarasamninga,“ segir hann.

Frekari upplýsingar