Framkvæmdir á Valssvæðinu að Hlíðarenda

Loka

Árni Sæberg
Fleiri myndir eftir ljósmyndara »

Framkvæmdir á Valssvæðinu að Hlíðarenda

Kaupa Í körfu

„Það er merkilegt að þessar framkvæmdir séu farnar af stað því Valsmenn geta ekki verið í góðri trú með þessar framkvæmdir,“ segir Friðrik Pálsson, annar formanna Hjartans í Vatnsmýrinni. Hann segir Valsmönnum kunnugt um skipulagsreglur Reykjavíkurflugvallar frá 2009 sem eru í gildi og þar er skýrt kveðið á um að ekki megi byggja á hindrunarfleti flugvallarins. „Í öðru lagi er áhættumatsferlinu ekki lokið og einn af þeim sem var hent út úr nefndinni hefur sent alvarlega ábendingu um málsmeðferðina til innanríkisráðuneytisins og í þriðja lagi hefur Rögnunefndin ekki lokið störfum. Það voru skýr fyrirmæli frá innanríkisráðuneytinu til ISAVIA að ekkert yrði gert sem myndi hrófla við neyðarbrautinni fyrr en nefndin hefur lokið störfum og ákvarðanir teknar í framhaldi af tillögum nefndarinnar,“ segir hann. Brynjar Harðarson, framkvæmdastjóri Valsmanna, segir framkvæmdir á áætlun og er verið að leggja framkvæmdaveg sem er aðkoma að öllum byggingarlóðum á Hlíðarenda og skiptir í sundur íþróttasvæði Vals og uppbyggingarsvæðinu. Áætluð verklok á framkvæmdaveginum eru 15. nóvember næstkomandi og hefst vinna við lóðir á svæðinu hugsanlega í sumar, segir hann en byrjað verður á svæðinu sem hefur ekkert með flugvöllinn að gera, segir Brynjar og á við svæðið sem er næst Hlíðarenda.

Frekari upplýsingar