Hreindýrin rýrari en í fyrra vegna sumarkuldans

Loka

Morgunblaðið/Sigurður Aðalsteinsson

Hreindýrin rýrari en í fyrra vegna sumarkuldans

Kaupa Í körfu

Sigurður Aðalsteinsson hreindýraleiðsögumaður segir hreindýrin vera rýrari í ár en í fyrra. Skýrist það af áhrifum sumarkuldans á Austurlandi á æti. Sigurður veiðir mest á svæði eitt, sem er Vopnafjarðarhreppur og hluti Fljótsdalshéraðs, þ.e. Jökuldalur norðan Jökulsár á Brú og Jökulsárhlíð. „Tarfarnir eru léttari en þeir hafa verið og ekki eins feitir og jafnframt eru kýrnar rýrari líka. Þær sem búið er að skjóta hafa verið á bilinu 35-38 kg en í fyrra voru þær kannski 40- 45 kg. Þær eru því 5-10 kg léttari. Það helgast fyrst og fremst af því að það er allt þremur vikum seinna í ár en í fyrra. Kannski verða hreindýrin komin í kjörþyngd eftir 2-3 vikur,“ segir Sigurður og vísar þá til gróðuraðstæðna. Hálendið er að sögn Sigurðar í mjög slæmu ástandi.

Frekari upplýsingar