Blámar

Loka

Eva Björk Ægisdóttir

Blámar

Kaupa Í körfu

Eftir að hafa stundað dreifingu á frystum sjávarafurðum innanlands frá árinu 2011 hefur fyrirtækið Blámar breytt um stefnu og ætlar að sækja á erlenda markaði með nýja vöru. „Um er að ræða neytendavæna ferskvöru og áherslan verður á snyrtilegar umbúðir og markaðssetningu vörunnar innanlands og erlendis,“ segir Pálmi Jónsson, einn af þremur eigendum Blámars. Hin nýja vara Blámars eru innpakkaðar sjávarafurðir sem eru marineraðar í samvinnu við veitingastaðinn Snaps og kom hún fyrst í verslanir Hagkaups í síð- asta mánuði. „Við renndum tiltölulega blint í sjóinn, enda alveg ný vara á markaðinum en móttökurnar hafa verið frábærar,“ segir Valdís Fjölnisdóttir, einn eigenda Blámars. „Kaupmennirnir hafa verið ánægðir með að geta selt ferskan íslenskan fisk í handhægum umbúðum og eftir verslunarmannahelgina hefur verið mikil sala,“ segir Valdís.

Frekari upplýsingar