Leðurblökur á Siglufirði

Loka

Sigurður Ægisson

Leðurblökur á Siglufirði

Kaupa Í körfu

Þrír laumufarþegar tóku sér far með dönsku skipi sem kom frá Belgíu til Siglufjarðar síðdegis á fimmtudaginn var. Um var að ræða litlar leðurblökur sem höfðu falið sig í farmi skipsins. Verkamenn sem unnu við uppskipunina sáu dýrin. Eitt þeirra og það minnsta forðaði sér frá borði og flaug eitthvað út í buskann. Hin tvö voru gómuð og sett í kassa. Séra Sigurður Ægisson, sóknarprestur, þjóðfræðingur og áhugamaður um náttúrufræði, tók leðurblökurnar í sína vörslu. Hann fór með þær á skrifstofu sína og tók af þeim meðfylgjandi myndir. Leðurblökurnar höfðu hægt um sig og leyfðu prestinum að mynda sig með íslenskum tíkalli. Þegar hann sneri við þeim bakinu tóku þær hins vegar flugið. Önnur settist á loftnetssnúru og vafði hana örmum. Hin hvarf um stund. Sigurður sá hana svo þar sem hún var að gaumgæfa geistleg rit í bókahillu prestsins.

Frekari upplýsingar