Mercedes bíll

Loka

Hanna Andrésdóttir

Mercedes bíll

Kaupa Í körfu

Morgunblaðið hefur með reglulegu millibili á síðustu misserum efnt til sérstakra leikja fyrir áskrifendur sína, sem þurfa ekki að gera annað til að taka þátt en að vera í áskrift að Morgunblaðinu. Verðlaunin hafa verið með veglegasta móti og hefur meðal annars skapast hefð fyrir því að gefa vinningshafanum nýjan og glæsilegan bíl. Þegar hafa heppnir áskrifendur hreppt með þessu móti Volkswagen Golf, Grand Suzuki Vitara og Lexus NX, svo fáein dæmi séu tekin, og nú í sumar verður enn á ný glæsivagn í vinning fyrir þá sem eru áskrifendur. Í þetta sinn mun hinn heppni áskrifandi eignast Mercedes-Benz B 250e að verðmæti um 6 milljónir króna. Bíllinn er eftirtektarverður fyrir margra hluta sakir. Ekki einasta er um glænýjan Mercedes-Benz að ræða heldur er B 250e fyrsti bíllinn frá hinum þýska lúxusbílaframleiðanda sem er alfarið knúinn rafmagni.

Frekari upplýsingar