Bruni perlan

Loka

ValgardurGislason

Bruni perlan

Kaupa Í körfu

Allt tiltækt slökkvilið á höfuðborgarsvæðinu var kallað út á þriðja tímanum í gær eftir að eldur kviknaði í klæðningu á hitaveitutanki við Perluna. Slökkviliðsmenn áttu í erfiðleikum með að komast að eldinum vegna járnklæðningar og af þeim sökum var óskað eftir frekari mannskap. Birgir Finnsson, aðstoðarslökkviliðsstjóri á höfuðborgarsvæðinu, segir að vel hafi gengið að rýma húsið og enginn hafi slasast. Það tók hins vegar slökkvilið- ið töluverðan tíma að komast að eldinum því hann var ekki sjáanlegur. Eldsupptök eru talin vera af völdum iðnaðarmanna sem voru að störfum í hitaveitutankinum. Töluverður reykur barst úr klæðningunni og undan útsýnispalli Perlunnar þegar blaðamaður Morgunblaðsis kom á vettvang. Fjölmennt lið slökkviliðsmanna barðist við eldinn á mörgum vígstöðvum og voru menn ofan á tankinum, fyrir utan og innan. Áhersla var lögð á að berjast við eldinn innan frá til að forðast að hann dreifði sér frekar inn í Perluna. Slökkviliðið var með fjórar hitamyndavélar sér til aðstoðar til að sjá betur hvar eldurinn logaði þ. á m. hitamyndavél á dróna sérsveitarinnar. Að sögn Birgis varð töluvert tjón á Perlunni, ekki síst vegna vatnsskemmda.

Frekari upplýsingar