Málað á vegg - Laugavegur

Kaupa Í körfu

Graffarar fá nú frítt spil og geta skapað sína eigin veröld í litum og myndum á vegg sem komið hefur verið upp við nýbyggingarsvæði við Laugaveginn í Reykjavík. Listamennirnir sem þarna voru að störfum í gær kölluðu verkið sitt Allra veðra von og verður hver að ráða í þá nafngift eftir sínu höfði. Það er líka eðli og inntak listanna að fá fólk til þess að hugsa og velta málunum fyrir sér í nýju samhengi og skálda í skörðin eins og við á hverju sinni. Raunar má segja að miðborgin í Reykjavík sé öll yfir sumartímann stór iðandi pottur alls konar stefna og strauma í listum og menningu þar sem ýmsir viðburðir og sjálfsprottin götulist eru áberandi. Má þar nefna atburði á Listahátíð í Reykjavík sem nú stendur fyrir dyrum. Stærsta listaverkið er þó auðvitað iðandi mannlífið þar sem fólk mætir til að sýna sig og sjá aðra og taka þannig þátt í að móta borgarlífið, sem er í sí- felldri þróun þar sem gætir ólíkra áhrifa úr öllum áttum.

Frekari upplýsingar

• SkráMBL0310584.jpg
• Breidd6720 dílar
• LjósmyndariEggert Jóhannesson
• Hæð4312 dílar
• MerkingMorgunblaðið/Eggert
• DagsetningLaugardagur, 11. apríl 2015
• Fyrsta birtingFöstudagur, 11. maí 2018
• Slóð/myndasafn/mynd/418140/