Malbik - Suðurlandsvegur -

Loka
Morgunblaðið/Kristinn MagnússonMorgunblaðið/Kristinn Magnússon

Malbik - Suðurlandsvegur -

Kaupa Í körfu

Malbik - Suðurlandsvegur - Alls þarf 15.000 tonn af malbiki í endurbætur á Suðurlandsvegi frá Sandskeiði austur í Hveragerði sem nú standa yfir. Starfsmenn Hlaðbæjar-Colas hafa unnið að þessu síðan fyrir helgi, en vegna rigningar þurfti að gera hlé á framkvæmdum í gær, sunnudag. Vænst er til þess að halda megi áfram í dag, en menn gefa sér vikuna framundan í verkefnið. „Þetta hefur gengið nokkuð greiðlega og ökumenn eru tillitssamir,“ segir Sigþór Sigurðsson, framkvæmdastjóri Hlaðbæjar-Colas, í samtali við Morgunblaðið. „Við tökum jafnan aðra akreinina í einu og þá er allri umferð beint á hina á meðan. Þegar við vorum að vinna í Kömbum og á Hellisheiðinni var reyndar umferðinni beint á meðan um Þrengslin sem gerði okkur starfið mun þægilegra en ella. “ Lagt er nýtt malbik á nefndum hluta Suðurlandsvegar þar sem slit er komið í veginn; þá bæði á heilum köflum og eins minni blettir. Þannig þurfti að leggja á stóra kafla í Kömbunum og eins á Sandskeiði, fyrir neðan Litlu-kaffistofuna. Alls kosta þessar endurbætur um 500 milljónir króna en Vegagerðin ver í ár alls 12 milljörðum króna til viðhalds á vegum landsins borið saman við 5,5 milljarða kr. á síðasta ári. Er það gert meðal annars til að mæta uppsafnaðri viðhaldsþörf í vegakerfinu, en hægagangur í þeirri vinnu var gagnrýndur víða. sbs@mbl.is

Frekari upplýsingar

Ljósmyndarar

Teiknarar