Ragnhildur Sigurðardóttir

Loka

Haraldur Jónasson/Hari

Ragnhildur Sigurðardóttir

Kaupa Í körfu

Ragnhildur Sigurðardóttir, mynd með viðtali um hvernig má bæta golfsveifluna Golfbakterían getur verið skæð og er yfirleitt ólæknandi þegar fólk smitast á annað borð. Golfið hefur það jú umfram flestar aðrar íþróttir að iðkendur geta verið virkir í golfinu allt frá grunnskólaaldri fram á efri ár. Aðstæður til golfiðkunar og -þjálfunar hafa líka aldrei verið betri svo að meira að segja á kalda Íslandi má vinna að því árið um kring að bæta sveifluna og fullkomna púttið. Ragnhildur Sigurðardóttir, margfaldur Íslandsmeistari í golfi og golfkennari með meiru, lumar á nokkrum góðum ráðum fyrir þá sem vilja lækka hjá sér forgjöfina. Aðalatriðið er, merkilegt nokk, ekki að djöflast og pína sjálfan sig heldur þvert á móti að muna að njóta golfsins: „Kylfingurinn þarf bæði þrjósku, þolinmæði og auðmýkt í miklu magni, og má líka alls ekki gleyma að hafa það skemmtilegt. Það ætti ekki að stunda golf af einhverri skyldurækni, heldur finna gleðina í sportinu, njóta þess að vera lifandi og gleðjast yfir því þegar tækifæri gefst til að stunda þessa frábæru íþrótt.“

Frekari upplýsingar