Leikvöllur

Loka

Golli / Kjartan Þorbjörnsson
Fleiri myndir eftir ljósmyndara »

Leikvöllur

Kaupa Í körfu

Kópavogsvöllur sker sig úr knattspyrnuvöllum á höfuðborgarsvæðinu að því leyti að við völlinn eru leiktæki fyrir börn; rólur, vegasalt, sandkassi og rennibraut. Að sögn Hilmars Harðarsonar, umsjónarmanns vallarins var rennibraut sett upp við völlinn fyrir nokkrum árum og síðan vatt þetta smám saman upp á sig enda viðtökur góðar. Hilmar segir að leiktækin séu mikið notuð, bæði af íbúum hverfisins og eins af yngstu vallargestunum, sem eins og foreldrar þekkja, hafa takmarkaða þolinmæði til að fylgjast fótboltaleik, sem stendur í 90 mínútur. Það var líka ekki annað að sjá en þeir skemmtu sér vel strákarnir sem róluðu af hjartans lyst í hálfleik á leik Breiðabliks og Keflavíkur á dögunum.

Frekari upplýsingar