Gámavinnuskúr

Loka

Kristján Kristjánsson

Gámavinnuskúr

Kaupa Í körfu

Gámavinnuskúr undir barnagæslu til umræðu í bæjarstjórn Oddur Helgi Halldórsson, bæjarfulltrúi L-listans á Akureyri, sagði að með tillögu sinni sem samþykkt var á fundi bæjarstjórnar í vikunni hefði tekist að koma í veg fyrir að börn verði geymd í gámum við Þrekhöllina, World Class, við Strandgötu. Bygginganefnd hafði tekið jákvætt í erindi frá Þrekhöllinni, þar sem sótt var um leyfi til að setja gámavinnuskúr við hús Þrekhallarinnar til bráðabirgða í 9 mánuði, tengja hann við húsið og nota fyrir barnagæslu. Ásta Hrönn Björgvinsdóttir, framkvæmdastjóri Þrekhallarinnar, sagði að byggingarfulltrúi hefði með símtali á mánudag veitt leyfi fyrir því að hefja framkvæmdir við að koma gámavinnuskúrnum niður við húsið. Tillaga Odds tengdist afgreiðslu á bókun bygginganefndar og var svohljóðandi: "Bæjarstjórn getur ekki tekið jákvætt í það að leyfa gám undir börn við Þrekhöllina og tengingu þar á milli." Tillagan var samþykkt með fjórum atkvæðum gegn tveimur en fimm bæjarfulltrúar sátu hjá. myndvinnsla akureyri. gamavinnuskurinn umdeildi settur við húsnæði þrekhallarinnar. litur. mbl. kristjan.

Frekari upplýsingar