Listahópur Vinnuskólans í Hafnarfirði

Loka

Sverrir Vilhelmsson

Listahópur Vinnuskólans í Hafnarfirði

Kaupa Í körfu

"Erum að búa til eitthvað nýtt á hverjum einasta degi" LISTAHÓPUR Vinnuskólans í Hafnarfirði heldur til Cuxhaven, vinabæjar Hafnarfjarðar í Þýskalandi, um miðjan næsta mánuð þar sem hann mun dvelja í viku. Hópurinn samanstendur af níu ungmennum, 15-16 ára, ásamt leiðbeinanda. Hefð er orðin fyrir slíkum ferðum en annað hvert ár skiptast bæirnir á að senda unga framtíðarlistamenn á milli vinabæja. Í Cuxhaven gefst hópnum kostur á að skoða sig um og kynnast ungmennum sem hafa fengist við listsköpun ytra en einnig mun íslenski hópurinn sýna atriði á götum úti og á skemmtunum. MYNDATEXTI. Sara Hlín Guðmundsdóttir hefur í sumar og undanfarin sumur stýrt Listahópnum sem skipaður er 15 og 16 ára listhneigðum ungmennum úr Hafnarfirði.

Frekari upplýsingar