Magnús Magnússon

Loka

Sverrir Vilhelmsson

Magnús Magnússon

Kaupa Í körfu

Magnús Magnússon er þekktastur fyrir að hafa stjórnað spurningaþættinum Mastermind í aldarfjórðung í breska ríkissjónvarpinu, BBC. En þar er aldeilis ekki upptalið; hann hefur komið víðar við. Stjórnaði lengi öðrum þætti hjá BBC, Chronicle, og hefur auk þess þýtt margar íslenskar bækur, bæði Íslendingasögurnar og verk Halldórs Laxness, á enska tungu. Magnús er 73 ára, fæddur í Reykjavík árið 1929. "Pabbi var frá Akureyri og mamma frá Laxamýri en þau hittust í Reykjavík og ég fæddist þar." Magnús bjó aðeins fyrstu níu mánuði ævinnar hérlendis. Faðir hans varð yfirmaður Sambands íslenskra samvinnufélaga (SÍS) í Evrópu 1930, með aðsetur í Edinborg, og þá fluttist fjölskyldan til Skotlands. Magnús hefur ekki búið á Íslandi síðan þá, en talsvert verið hér og talar góða íslensku. Samtalið fer því fram á móðurmálinu en "ég þarf stundum að skreppa í enskuna", segir hann í upphafi. Myndatexti: Magnús Magnússon í kunnuglegri stellingu; situr í förðunarstólnum áður en hann fór í viðtal í Ríkissjónvarpinu á föstudaginn

Frekari upplýsingar