Stóra upplestarakeppnin í Grindavík

Loka

Garðar Páll Vignirsson

Stóra upplestarakeppnin í Grindavík

Kaupa Í körfu

ÞAÐ er alltaf gaman að sjá framfarirnar hjá krökkunum í 7. bekk Grunnskólans í Grindavík í upplestri þegar þau eru að æfa sig fyrir stóru upplestrarkeppnina. Flestir nemendur bekkjanna byrja keppnina en síðan er hópurinn skorinn niður og svo aftur þannig að í úrslitakeppninni taka þátt tíu bestu upplesararnir. Óhætt er að segja að upplestrarkeppnin í fyrradag hafi verið jöfn en eins og ævinlega eru einhverjir aðeins betri en aðrir. Sú sem sigraði heitir Sólveig Dögg Birgisdóttir og fékk að launum 15 þúsund kr. frá sparisjóðnum og bókina Þjóðsögur við sjó frá Eddu - Miðlun, reyndar fengu allir tíu efstu bókina frá bókaútgefandanum. Sólveig Dröfn Jónsdóttir hafnaði í öðru sæti og fékk auk bókar inneign í sparisjóðnum upp á 10.000 kr. og í þriðja sæti varð Jón Ágúst Eyjólfsson en hann fékk 5.000 kr. frá sparisjóðnum. MYNDATEXTI: Krakkarnir sem höfnuðu í tíu efstu sætunum í upplestrarkeppninni.

Frekari upplýsingar