Nordica hótel

Loka

Sverrir Vilhelmsson

Nordica hótel

Kaupa Í körfu

Morgunblaðið/Sverrir FYRSTU gestir hins nýja Nordica hótels munu snæða hátíðarkvöldverð þar í kvöld og gista eina nótt. Hótelið verður ekki formlega opnað fyrr en 25. apríl en að sögn Kára Kárasonar, framkvæmdastjóra Flugleiðahótelsins Nordica, verður hótelið tekið í notkun þessa helgi. Alls er von á um 400 manns í kvöldverðinn og af þeim hópi ætla 240 að gista á hótelinu. Hótelið verður svo opnað fyrir almennum ferðamönnum á morgun, sunnudag. Þá koma fyrstu gestirnir sem hafa bókað sig inn á hótelið. Hótelið verður komið í fullan rekstur frá og með morgundeginum en heilsuaðstaðan NordicaSpa verður opnuð 25. apríl. Auk 284 herbergja hótelsins er þar einnig ráðstefnu- og fundaraðstaða. Framkvæmdir við hótelið, sem áður hét Hótel Esja, hófust sumarið 2001. Hótelið verður opnað þremur dögum á undan áætlun en um 300 iðnaðarmenn hafa undanfarnar vikur unnið að lokafrágangi þess.

Frekari upplýsingar