Eldri borgarar byggja

Loka

Rax / Ragnar Axelsson
Fleiri myndir eftir ljósmyndara »

Eldri borgarar byggja

Kaupa Í körfu

SAMTÖK aldraðra eiga sér þegar all langa og árangursríka sögu. Samtökin voru stofnuð 29. marz 1973 í þeim tilgangi að vinna að ýmsum hagsmunamálum aldraðra og bar þar hæst byggingu hentugs íbúðarhúsnæðis fyrir aldrað fólk. Fyrst eftir að samtökin voru stofnuð fór mesti kraftur félagsmanna í að móta starfið og vinna þeirri hugmynd fylgis að aldraðir gætu og ættu sjálfir að hafa frumkvæðið að því að skipuleggja og láta byggja húsnæði er hentaði þeim á efri árum æfinnar. Samtökin hafa ávallt átt mikinn hljómgrunn meðal eldra fólks, sem lýsir sér í því, að á stofnfundi þeirra fyrir þrjátíu árum gengu strax 450 manns í samtökin. Nú eru félagar um 1.600. MYNDATEXTI: Frá vinstri: Magnús Guðjónsson byggingameistari, Ingólfur Antonsson eftirlitsmaður, Guðfinna Thordarson arkitekt, Guðmundur Gunnarsson, form. Samtaka aldraðra, meðstjórnendurnir Sigurður Óskarsson, Dóra Sif Wiium, Jakobína Guðmundsdóttir og Páll Jónsson, Jón Aðalsteinn Jónasson gjaldkeri og Páll Jónsson ritari. Myndin er tekin fyrir framan fjölbýlishús Samtaka aldraðra, sem er í smíðum við Dalbraut 14, en í því verða 27 íbúðir. Nú er verið að steypa upp fjórðu hæðina, en áformað er að afhenda íbúðirnar 15. september. Húsið verður fjórar hæðir og með lyftu og í því verða 2ja og 3ja herb. íbúðir.

Frekari upplýsingar