Lömb í Fljótsdal

Kaupa Í körfu

Vorið er óvenju snemma á ferðinni á Austurlandi þetta árið, góðviðri og blíða upp á hvern dag, þó aðeins hafi gránað í fjöll um helgina. Að sögn elstu manna er vorkoman og gróðurinn hér fyrir austan einum og hálfum mánuði fyrr á ferðinni en í meðalvori. Þar sem vorið er svo snemma á ferðinni fannst þessum lömbum á Skriðuklaustri í Fljótsdal óhætt að koma í heiminn mánuði á undan áætlun. Hjá Hallgrími Þórhallssyni og Önnu Bryndísi Tryggvadóttur eru bornar sex rollur og komin 13 lömb, eða rúmlega tvö lömb á hverja á. MYNDATEXTI: Mascha Thiel frá Þýskalandi, vinnukona á Skriðuklaustri, með fyrstu lömbin sem fæddust þar á þessu vori.

Frekari upplýsingar

• SkráMBL0068104.jpg
• Breidd2448 dílar
• LjósmyndariSigurður Aðalsteinsson
• Hæð1632 dílar
• MerkingMorgunblaðið/Sigurður Aðalsteins
• Dagsetning
• Fyrsta birtingÞriðjudagur, 15. apríl 2003
• Slóð/myndasafn/mynd/98860/