Lista­fé­lag Verzl­un­ar­skóla Íslands frum­sýndi gam­an­sýn­ing­una All­ir á svið! eft­ir Michael Frayn í þýðingu Gísla Rún­ars Jóns­son­ar síðastliðinn föstu­dag. Hlátra­sköll­in úr saln­um heyrðust langt út á götu enda þrusu­stemn­ing. 

Nem­end­ur lista­fé­lags­ins hafa unnið hörðum hönd­um að upp­setn­ingu sýn­ing­ar­inn­ar al­veg frá því í sum­ar und­ir leik­stjórn þeirra Ní­els Thi­baud Girerd og Starkaðar Pét­urs­son­ar. 

„Þetta fjall­ar um leik­hóp, sem er að setja upp leik­rit. Þetta er leik­rit í leik­riti,“ seg­ir Andrea Ösp, meðlim­ur Lista­fé­lags Verzl­un­ar­skóla Íslands. „Þetta er bráðfyndið og fær áhorf­end­ur til að gleyma stað og stund.“

Mörg þekkt and­lit létu sjá sig og þar á meðal Edda Björg­vins­dótt­ir og Björg­vin Franz Gísla­son, sem bæði fóru með hlut­verk í upp­færslu Þjóðleik­húss­ins fyr­ir 20 árum. Edda Björg­vins­dótt­ir var þó ekki eina þekkta Edd­an á svæðinu, en Edda Falak kíkti einnig á upp­færslu Verzl­un­ar­skól­ans á gam­an­sýn­ing­unni.