Notebook-stjarnan Rachel McAdams eignaðist sitt fyrsta barn í apríl með kærasta sínum Jamie Linden. McAdams sem varð fertug fyrir tæpum tveimur vikum tjáði sig í fyrsta sinn um son sinn í viðtali við The Sunday Times. 

ABC greinir frá því að leikkonan segi í viðtalinu móðurhlutverkið það stórkostlegasta sem komið hafi fyrir hana og tekur lítið mark á því þegar fólk segi að lífið hætti að vera þeirra þegar það verði foreldrar. 

„En ég hafði 39 ár af mér, ég var leið á mér, ég var svo glöð að einbeita mér að annarri manneskju. Ég beið lengi,“ sagði McAdams sem beið lengi eftir því að verða móðir. „Og ég vildi ekki gera það fyrr en það var réttur tími.“

Líf McAdams snýst um sjö mánaða gamlan son hennar og sagðist leikkonan í viðtalinu ekki vera viss um í hvaða fötum hún væri í og skórnir hennar væru límdir saman. Þrátt fyrir allt það hefur hún aldrei skemmt sér jafn mikið og í móðurhlutverkinu. 

Rachel McAdams skartaði demöntum um helgina. AFP

Tengdar fréttir

Fjölskyldulíf

Jón fangaði foreldrahlutverkið í sinni tærustu mynd

• Áslaug Arna dansaði með Ægi og móður hans
• Sonur Sigríðar Thorlacius orðinn þriggja ára
• Dóttir Leifs og Hugrúnar komin með nafn
• Júlí Heiðar og Þórdís Björk gáfu dóttur sinni nafn

» Fleiri tengdar fréttir

• Blogga um frétt