Tónlistarmaðurinn Hafdís Huld er komin 18 vikur á leið með sitt annað barn með manninum sínum, Alisdair Wright. Fyrir eiga hjónin eina dóttur sem er sex ára sem er mjög spennt fyrir nýju hlutverki að verða stóra systir. Parið gekk í hjónaband árið 2017 en þau starfa bæði í tónlistarheiminum. Aðspurð hvernig líðanin sé búin að vera síðustu vikur segist hún hafa það gott. 

„Bara vel, við vorum að koma heim úr tónleikaferðalagi frá Kanada og erum að kynna nýju plötuna okkar Variations þannig að meðgangan hefur ekkert haldið aftur af mér hingað til,“ segir hún í samtali við Barnavef mbl.is. 

Hjónin kynntust árið 2006 þegar þau stunduðu bæði tónlistarnám í Lundúnum. Í dag búa þau í Mosfellsdalnum þar sem þau eru með stúdíó. Wright er einnig myndskreytir og hefur hann séð um upptökustjórn og útsendingar auk þess sem hann gerir tónlistarmyndbönd fyrir Hafdísi Huld og annað fólk. 

Hér eru hjónin Hafdís Huld Þrastardóttir og Alisdair Wright á brúðkaupsdaginn sinn árið 2017. Með þeim á myndinni er dóttir þeirra. Ljósmynd/Gassi

Tengdar fréttir

Meðganga og fæðing

Edda Sif og Vilhjálmur gáfu syni sínum nafn

• Kristín Pétursdóttir ófrísk að sínu öðru barni
• Sonur Katrínar Eddu og Markusar kominn með nafn
• „Ég braut loforðið og kyssti hann“
• Elín Metta og Sigurður eignuðust dóttur

» Fleiri tengdar fréttir

• Blogga um frétt