Bandaríska fjölmiðlastjarnan Tamron Hall á von á barni sem væri kannski ekki fréttnæmt nema fyrir þær sakir að hún er 48 ára gömul og á von á sínu fyrsta barni. Hall greindi frá gleðitíðindunum á dögunum á Instagram.
Hall greindi ekki frá væntanlegum frumburði fyrr en hún var komin 32 vikur á leið og en þá hafði læknir sagt að allt væri öruggt. Hún á von á barninu með eiginmanni sínum og segir mörg tár hafa fallið áður en hún komst á þann stað sem hún er nú á.
People greinir frá því að Hall hafi áður greint frá löngun til þess að eignast barn og eftir á að hyggja hefði hún óskað þess að hafa byrjað að reyna það fyrr.
„Þetta er langþráður draumur hjá henni og til að vera hreinskilin, í mjög langan tíma hélt hún að þetta væri ekki í spilunum hjá henni,“ sagði heimildarmaður People.