Róbert Wessman forstjóri Alvogen og unnusta hans, Ksenia Shak­hmanova, eiga von á barni í apríl. Vinir og fjölskylda komu parinu á óvart með metnaðarfullu steypiboði í gær á heimili þeirra á Arnarnesinu. 

Parið á von á dreng og var blái liturinn allsráðandi í boðinu. Mikill metnaður var lagður í veitingar og skreytingar. Þar var til dæmis glæsileg kaka á tveimur hæðum skreytt með sykurmassa, litlir hamborgarar og snittur. 

Heimilið var líka skreytt með bláum stjörnum og blöðrum. 

Barnavefurinn óskar parinu til hamingju með drenginn sem er væntanlegur í heiminn í næsta mánuði.