Leikkonan Keira Knightley á von á sínu öðru barni með eiginmanni sínum James Righton. Knightley skartaði myndarlegri óléttubumbu þegar hún mætti í kokteilboð á vegum Chanel í París á fimmtudagskvöldið að því fram kemur á vef People. 

Leikkonan sem er 34 ára hefur verið gift hinum 35 ára gamla Righton í sex ár en saman eiga þau Edie sem verður fjögurra ára í maí.

Knightley hefur enn ekki tjáð sig um óléttuna opinberlega. Kúlan fór hins vegar ekki fram hjá neinum en hún náði að fela hana snyrtilega þegar hún mætti í víðum grænum kjól á frumsýningu Aftermath í New York þann 13. mars eins og sjá má hér að neðan. 

Keira Knightley á frumsýningu í New York þann 13. mars. mbl.is/AFP

Tengdar fréttir

Meðganga og fæðing

Gypsy Rose orðin móðir

• Óskar Logi og Vala opinberuðu nafn frumburðarins
• Fjölskylda Heiðu Bjargar og Benedikts stækkar
• Edda Sif og Vilhjálmur gáfu syni sínum nafn
• Kristín Pétursdóttir ófrísk að sínu öðru barni

» Fleiri tengdar fréttir

• Blogga um frétt