Sjónvarpskonan Ragnhildur Steinunn Jónsdóttir og sálfræðingurinn Haukur Ingi Guðnason eignuðust tvíburadrengi nýverið. Drengirnir fengu nöfn á eins árs brúðkaupsafmæli foreldra sinna. Þeir voru skírðir Tindur og Stormur. 

Ragnhildur Steinunn birti fallega mynd af fjölskyldunni á sólríkum skírnardeginum þar sem hún skrifar: „Tindur og Stormur fengu nöfnin sín í dag á eins árs brúðkaupsafmæli foreldra sinna. Dásamlegur dagur í fallega garðinum okkar með vinum og ættingjum. Enn og aftur eigum við ekki til orð yfir hversu frábært fólk er í kringum okkur. Hjartans þakkir til allra.“

Þess má geta að börn þeirra heita Eldey, Jökull, Stormur og Tindur sem er vísun í frumefnin fjögur - eld, vatn, loft og jörð. 

Barnavefur mbl.is óskar fjölskyldunni innilega til hamingju með nafngiftina. 

Fjölskyldan var heppin með veður á brúðkaupsafmælinu.

Tengdar fréttir

Fjölskyldulíf

Margrét og Ísak Ernir gáfu dóttur sinni nafn

• „Hjörtun okkar stækkuðu um fimm stærðir“
• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?

» Fleiri tengdar fréttir

• Blogga um frétt