„Ég fæddi óvart barnið mitt heima í gærkvöldi, í skápnum í hjónaherberginu,“ skrifar Bachelor in Paradise-stjarnan Jade Roper Tolbert á Instagram. 

Hún og eiginmaður hennar Tanner Tolbert buðu sitt annað barn velkomið í heiminn á þriðjudag, en fæðingin fór ekki alveg eins og þau höfðu séð fyrir sér. Sem fyrr segir kom drengurinn litli í heiminn inni í fataskáp þeirra. 

Talbert átti enn tvær vikur eftir í settan dag. Í færslunni segir hún að hún hafi misst vatnið og 75 mínútum síðar hafi hún fætt son þeirra í fataskápnum. Þeim hjónum til halds og trausts voru mamma hennar, tengdamamma hennar, sjúkraflutningamenn og slökkviliðsmenn. 

Hún segir að þessi fæðing hafi verið gjörólík þeirri fyrri. Þegar þau buðu dóttur sína velkomna í heiminn fyrir tveimur árum var hún sjö tíma að koma henni í heiminn. Hún ætlaði því að taka því rólega og fara í stutt bað áður en þau drifu sig upp á spítala. En syni hennar hugnuðust greinilega ekki rólegheitin í mömmu sinni og dreif sig í heiminn.

Tengdar fréttir

Meðganga og fæðing

Jóhanna Helga og Geir gáfu syni sínum nafn

• Ryan og Tanja Ýr greindu frá kyninu
• Ragga Hólm og Elma eignuðust son
• Fengu Pál Óskar til að greina frá kyninu
• Sunneva Eir hjálpaði vinkonu sinni í gegnum fæðingu

» Fleiri tengdar fréttir

• Blogga um frétt