Fyrsti skóladagur Karlottu prinsessu, dóttur Vilhjálms Bretaprins og Katrínar hertogaynju, var í dag. Karlotta litla gekk í skólann með foreldrum sínum og eldri bróður, Georg, og tók í höndina á skólastjóranum þegar í skólann var komið. Katrín fylgdi börnum sínum í skólann, en hún náði ekki að fylgja Georg litla á fyrsta skóladeginum hans fyrir tveimur árum þar sem hún þjáðist af mikilli morgunógleði. 

Karlotta gengur í sama skóla og bróðir hennar, Thomas's Battersea, en hún hefur hlakkað mikið til að fara í stóra skólann með honum.